Зардап шеккендерге санавиация кетті, деп хабарлайды Pavlodarnews.kz.
Павлодар облысы полиция департаментінің хабарлауынша, 18 қаңтар күні сағат 12.14 шамасында Омбы – Майқапшағай автожолында Аққулы ауданы Әйтей мен Шабар ауылдары арасында «Фольксфаген» және «Нива» маркалы автокөліктері соқтығысқан.
- Жол-көлік оқиғасы салдарынан 51 жастағы «Фольксваген» автокөлігінің жүргізушісі мен 1964 жылы туған жолаушы оқиға орнында көз жұмды. «Нива» автокөлігінің 31 жастағы жүргізушісі мен 24 жастағы жолаушысы түрлі жарақатпен ауруханаға жеткізілді, - дейді департаментте.
Автокөліктер арнайы айып тұрағына қойылды. Аталмыш фактіге қатысты тексеру жүргізілуде.
1998 жылы туған әйел адам жабық бас сүйек-ми жарақаты, 1991 жылы туған ер адам жабық бас сүйек-ми жарақаты, сол жақ жамбастың жабық сынуы, білектің төменгі үштен бір бөлігінің оң жақ жабық сынуы анықталды.
Ер адамның жағдайы орташа, ал әйел адам ауыр жағдайда жатыр.