Көлік жүргізушісіне айыппұл салынды, деп хабарлайды Pavlodarnews.kz.
Павлодарлық пабликтердің бірінде Instagram-да автокөліктің жүксалғышына ер адам жабысып келе жатқан видео таралды.
- Аталған видео бойынша тексеру жүргізілді. Полицейлер 30 қаңтарда Павлодарда Иса Байзақов көшесінде «ВАЗ» жүргізушісі жолаушыны көлік құралының кабинасынан тыс жерде тасымалдаған, сол арқылы ол жол жүру ережесінің 22.6.1-тармағын бұзған. Көлік айып тұрағына қойылды, - деп хабарлады облыстық полиция департаментінің баспасөз қызметінде.
Жүргізушіге қатысты ӘҚБтК-нің 593-бабы 1-бөлігі бойынша әкімшілік хаттама толтырылып, 5 АЕК айыппұл салынды.