Алматыда қару-жарақ дүкендерін тонағандар ұсталды.
Арнайы жүргізілген іс-шара барысында 25-27 жастағы үш күдікті қамауға алынды. Бұл туралы Алматы қалалық Полиция департаменті хабарлады.
Олар 5 қаңтарда аңшылық дүкенін тонап, түрлі маркалы суық қаруларды үйдің жертөлесіне жасырған. Күдіктілер кінәсін мойындап, дүкенге қалай кіргендерін айтып берді.
Қазір тергеушілер «үштіктің» осыған ұқсас қылмыстарға қатысы бар-жоғын анықтап жатыр. Бұл қылмысы үшін олар бес жылдан он екі жылға дейінгі бас бостандығынан айырылуы мүмкін.