USD 446.33
EUR 485.56
RUB 5.04
Федоров аудандық мәдениет үйінің қызметкері үш жыл бойы ақша ұрлап келген, деп хабарлайды «Хабар 24».
Ол қаржыны жалақы есебінде өзінің және әкесінің есеп-шотына аударып отырған. Өнер ордасы директорының электрондық қолтаңбасын пайдаланып, онлайн-банкинг жүйесіне жүгінген. Мәдениет үйінің басшысы кәсіпорынның жылуға берешек екенін білгенде ғана қызметкерінің ақша жымқырғанын түсінген. Прокуратураға мән-жайды жеткізіп, аудиторлық тексеріс нәтижесі қомақты соманың жоғалғанын растады. Экс-бухгалтер сотта кінәсін толық мойындады.
Зәуре Едікова, облыстық соттың баспасөз қызметінің жетекшісі:
- Федоров аудандық соттың үкімімен «Жастар» мәдениет үйінің бас бухгалтері жеті жылға қамауға алынды. Сондай-ақ оған өмір бойы осы лауазымдық қызметті атқаруға тыйым салынды. Сот шешімімен келіспеген қорғаушы және сотталушы Қостанай облыстық сотына аппеляция жолдады.
