Түркістан облысында екі бала суға кетті
16.05.2022 жылы Бәйдібек аудандық полиция бөліміне жергілікті тұрғын хабарласып, өзенде шомылып жүрген ұлын таппай қалғанын жеткізіп, көмек сұраған.
Оқиға орнына Бәйдібек АПБ-нің бастығы бастаған жедел-тергеу тобы, прокуратура қызметкерлері, төтенше жағдай қызметінің қызметкерлері жедел жетіп, жан-жақты тексеру жұмыстарын жүргізді. Бірнеше сағатқа ұласқан жедел-іздестіру іс-шарасы кезінде полицейлер Бөген өзенінен 2 жасөспірімнің мәйітін тапты.
Анықталғандай, 16.05.2022 жылы күндізгі уақытта 2012 жылғы 4 бірдей жасөспірім суға түсуге өзенге келген. Содан бір сәтте 10 жастағы екі бала Бәйдібек ауданы Шалдар ауылының шығыс беткейінде шамамен 2-3 шақырым жерде орналасқан Бөген өзенінің 2 метр тереңдіктегі жеріне түскен.
Оқиға орнын қарау барысында балалардың киімдері мен велосипедтері табылды. Қазіргі таңда аталған дерек Бәйдібек АПБ-де тіркеліп, тергеп тексеру жүргізілуде.
Түркістан облысы ПД баспасөз қызметі