476,27 474,60 7,83
+7 (7172) 757 485 24kz@khabar.kz

Қостанайда астыртын казино анықталды

  • 171
  • UPD: 13:45, 25.05.2022

Қостанай қаласындағы дәмханалардың бірінде астыртын казино анықталды.

Қаржылық мониториинг агенттігінің облыс бойынша аумақтық департаменті заңсыз ойын мекемесін тексеру кезінде покер ойынына арналған кәсіби үстел, фишкалар, карталар және қолма-қол ақша сынды заттай айғақтарды сот үкімі негізінде жойды. Жасырын казиноны ұйымдастырушылар мен сыбайластар ҚР Қылмыстық Кодексінің 307-бабында көзделген қылмыстық құқық бұзушылықты жасағаны үшін кінәлі деп танылып, оларға 2 жыл 3 ай мерзімге бас бостандығынан айыру жазасы тағайындалды.

Әлібек Әбділов, ҚР Қаржылық мониторинг агенттігінің баспасөз хатшысы:

- Қаржылық мониторинг агенттігі азаматтарды патологиялық құмар ойындарға тәуелділіктен қорғау мақсатында тұрақты негізде заңсыз ойын пункттерін анықтап, бұғаттау шараларын жалғастыратын болады.

Хабар 24 телеарнасы