476,27 474,60 7,83
+7 (7172) 757 485 24kz@khabar.kz

Түркістан облысында шетелдік екі студент суға батып кеткен

  • 231
  • UPD: 13:41, 27.06.2022

Түркістан облысының құтқарушылары екі шетелдік студентті іздеу жұмыстарын жүргізіп жатыр, деп хабарлайды «Хабар 24».

Төтенше жағдайлар қызметіне Үндістан Республикасының азаматтары Ақсу шатқалындағы Ақсу өзенінде суға түсіп, батып кеткені туралы ақпарат түскен. Облыстық ТЖД мәліметінше, шетелдік студенттер Төлеби ауданындағы тауға 26 маусым күні саяхатқа шыққан. 21 студенттен құралған топ Шымкент қаласынан келген екен. Олар Үндістан Республикасының азаматтары, Оңтүстік Қазақстан медицина академиясының студенттері екені анықталған. «Түркістан облысы ТЖД кезекші-диспетчерлік қызметінің пультіне кешкі сағат 20:10 -да Төле би ауданының Ханарық ауылынан 5 шақырым жерде орналасқан Ақсу шатқалындағы Ақсу өзенінде 2001 жылғы 2 студенттің суға батып кеткені туралы ақпарат түсті» делінген хабарламада.

Іздестіру-құтқару жұмыстарына ТЖД-дан 19 қызметкер, 1 жүзу құралы және 4 техника, Полиция департаментінен 10 қызметкер және 5 техникасы мен құралдары жұмылдырылды. Іздестіру жұмыстары әлі жалғасуда.

Хабар 24 телеарнасы