loader

Қайрат Құдайбергенді қамауда ұстау мерзімі тағы бір айға ұзартылды ҚазАқпарат

Қайрат Құдайбергенді қамауда ұстау мерзімі тағы бір айға ұзартылды

Сот Алматы қалалық мәслихатының бұрынғы депутаты Қайрат Құдайбергенді қамау мерзімін 2022 жылдың 21 тамызына дейін ұзартты. Бұл туралы Алматы қалалық сотының баспасөз қызметі мәлім етті.

«21 шілде күні Алматы қалалық тергеу сотының қаулысымен күдіктіні қамауда ұстау мерзімі 4 айға дейін ұзартылды. Қамау мерзімі 2022 жылдың 21 тамызына дейін ұзартылды», – деп хабарлады Алматы сотының баспасөз қызметі. Бұған дейін күдіктіні қамау мерзімі бір айға ұзартылған болатын.

Айта кетейік, 24 сәуір күні сот қаулысымен тергеу органдарының өтініші қанағаттандырылып, Қайрат Құдайбергенге қатысты әрекетті саралау туралы қаулы шығарылғанға дейін оны 30 тәулік мерзімге күзетпен ұстау түріндегі бұлтартпау шарасына санкция берілген болатын.

Еске салайық, Қайрат Құдайбергеннің ұсталғаны туралы ақпарат 22 сәуірде пайда болған еді. Кейін ҚР Бас прокуратурасы Алматы қаласы мәслихатының депутаты Қайрат Құдайберген қаңтар оқиғасының ісі бойынша ұсталғанын растады.

Сондай-ақ...