Шығыс Қазақстан облысының тұрғыны қант тапшылығы төңірегіндегі дүрбелеңді пайдаланып, интернет арқылы 100 адамды алдап соққан. Тәттіден тоқсан миллион тапты, деп хабарлайды «Хабар 24».
Айла тәсілі оңай. Бар-жоғы қантқа мұқтаж жандарға құмшекерді онлайн саудалаған. Бірақ ақысын алғаннан кейін ізім-ғайым жоқ болады. Бұл фактіні ШҚО полиция департаменті растап отыр. Қазір алаяқтың үстінен қылмыстық кодекстің 190-бабына байланысты іс қозғалып, сотқа дейінгі тергеу амалдары басталды. Күдіктінің кінәлі екені дәлелденсе жеті жылға дейін түрмеге қамалып, осы күнге дейін жиған тергенінің бәрі тәркіленеді.