Есіктегі атыс: оқ тиген екі адамның бірі ауруханада жан тапсырды

Алматы облысының Есік қаласында атыстан зардап шеккен бір адам ауруханада көз жұмды, деп хабарлайды ҚазАқпарат.

«Еңбекшіқазақ аудандық ауруханасына 1992 және 2004 жылғы екі ер адам түсті. Екеуі де ауыр халде жеткізілді. Оларға шұғыл түрде ота жасалды. 2004 жылғы адам қайтыс болды. Ал екіншісі жансақтау бөлімінде жатыр. Жағдайы ауыр» делінген Алматы облыстық денсаулық сақтау департаментінің баспасөз қызметі таратқан хабарламада.

Естеріңізге сала кетейік, Алматы облысының Еңбекшіқазақ ауданында атыстан екі адам зардап шеккенін хабарлаған болатынбыз.