USD 446.33
EUR 485.56
RUB 5.04
Мәселен, былтыр құзырлы органға аймақ тұрғындарынан тауарлар мен көрсетілетін қызмет түрлеріне қатысты 395 арыз түссе, биыл бұл көрсеткіш 700-ге жуықтаған.
Абырой болғанда олардың жартысынан астамы қаралып, тұтынушыларға 22 млн теңге қаржы қайтарылған. Әсіресе, онлайн саудада шикілік көп, - дейді, сала мамандары. Мәселен, бір ғана танымал сайттың қызметіне осы жылы 44 адам наразылық білдірген. Оның барлығы дерлік заттың талапқа сай келмеуі және айтылған уақыттан көп кешігуіне байланысты. Одан бөлек, уәде еткен затын уақытында жеткізбейтін және соңынан мүлдем хабар-ошарсыз кететін жалған кәсіпкерлер де кездеседі. Бірақ мұндай жағдай көбіне алаяқтыққа жақын, - дейді, департамент өкілдері.
Светлана Занегина, облыстық Тұтынушылардың құқығын қорғау департаментінің басшысы:
- Қолыңызда сол сауда туралы аз да болсын ақпарат бар болса, полицияға жүгініңіз. Олар да өз тарапынан іздеу салып, бір ілік табады. Себебі тәртіп сақшыларының қазір бұл салада тәжірибесі бар. Өйткені ондай жағдайлар көбейіп кетті. Тағы бір айтарым, тұтынушы да тауарды сатып алып жатқанда барынша мұқият әрі өте сақ болса дейміз. Ал, болары болып, бояуы сіңгеннен кейін бізге келіп арыздану нәтижесіз болуы мүмкін.
