Қарағандыда қатты желден автобус аударылды
Қарағанды облысында қатты жел салдарынан автобус аударылды. Осы сәтте көлікте 17 жолаушы болған. Оқыс оқиға бүгін таңғы 09:00 шамасында тіркелді.
Polisia.kz медиа-порталының хабарлауыша, №84 маршруттық автобус Петровка ауылының маңында Ботақара-Қарағанды бағытындағы жолда аударылған. Абырой болғанда, зардап шеккендер жоқ. Полиция қызметкерлері жолда қалған жолаушыларға өтіп бара жатқан көліктермен үйлеріне жетуіне атсалысты.