Президент: Жастарға зор үміт артамын

Түркістан облысында 700 мыңға жуық жас азамат тұрады.

Бұл тұрғындардың үштен бірі. Президент бұл жайтқа ерекше тоқталып, жастарға, олардың біліміне, қабілетіне, күш-қуатына зор үміт артамын деді. Елдің келешегі отаншыл, жасампаз, жауапкершілігі мол жастардың қолында екенін айтып, отаншылдық туралы ой өрбітті. Жастарды еңбекқор әрі білімді болуға шақырып, барлық саладағы басты құндылық – адал еңбек, адал қызмет болуға тиіс екеніне тоқталды.