Парламент Мәжілісінде нотариат қызметін жетілдіруге бағытталған заң жобасы бірінші оқылымда қаралды, деп хабарлайды «24KZ»
Құжат азаматтардың құқықтарын қорғауды күшейтуге, нотариат жүйесін цифрландыруға және атқарушылық жазба рәсімін реттеуге бағытталған.
Негізгі өзгерістер:
• нотариатқа мемлекеттік бақылау күшейтіледі;
• қызметтерді онлайн форматта көрсету кеңейеді;
• атқарушылық жазба тек борышкердің тіркелген жері бойынша рәсімделеді;
• борышкерлерге SMS және eGov арқылы міндетті хабарлама жіберіледі;
• микроқаржы ұйымдары мен жеке сот орындаушыларымен ықтимал байланыстарға шектеу қойылады;
• заң бұзушылықтар үшін нотариустардың жауапкершілігі күшейтіледі.
Баяндаманы оқыған депутат Нұрсұлтан Байтілесов:
Бұл өзгерістер азаматтардың құқықтарын қорғауды күшейтуге бағытталған, – деді.
Заң жобасы Мәжілісте бірінші оқылымда қаралып жатыр.