383,62 430.12 5.96
+7 (7172) 757 485 24kz@khabar.kz
ҚАЗ


ҚР ОСК: Сенат депутаттары сайлауын өткізуге бюджеттен 92 млн теңге бөлінді

  • 694
  • UPD: 15:51, 22.05.2017

28 маусымда өтетін Парламент Сенаты депутаттарының кезекті сайлауына республикалық бюджеттен 92 миллион теңге бөлінді. Бұл қаржы кандидаттардың теледидар мен радиода, баспасөзде, ақпараттық-насихат бағдарламасын баяндауға және сайлауалды іс-шараларын өткізуге жұмсалады.

Сондай-ақ іссапар шығыстары, үй-жайды жалға алу мәселесі де бюджет есебінен қамтылады. Бұл туралы бүгін Орталық сайлау комиссиясы мүшелерінің кеңесінде айтылды. Отырыста Сенат депутаттарын сайлауда шетелдік бұқаралық ақпарат құралдары өкілдері мен халықаралық ұйымдардың қызметін ұйымдастыру жағы талқыланды.

Орталық сайлау комиссиясының төрағасы Берік Имашев екіжақты байланыс орнаған шет мемлекеттердің тиісті органдарына шақыру хаттары жіберілгенін атап өтті. Отырыста шетелдік байқаушылардың қызметіне қатысты Орталық сайлау комиссиясы қаулы қабылдады.    

Марат Сәрсембаев, Орталық сайлау комиссиясының мүшесі:

- Шет мемлекеттің, халықаралық ұйымның байқаушысына, сондай-ақ шетелдік бұқаралық ақпарат құралдарының өкіліне бір аудармашы өзінің жеке басын куәландыратын құжатын көрсеткен кезде ілесіп жүре алады. Екінші тармақ: шет мемлекет, халықаралық ұйым байқаушысының қоса беріліп отырған сауалнамасының мәтіні бекітілсін. Үшінші тармақ: шет мемлекеттердің, халықаралық ұйымдар байқаушыларын аккредиттеуді жүргізу 2017 жылғы 12 маусымда аяқталсын.

Хабар 24 телеарнасы