367,40 417.85 5.52
+7 (7172) 757 485 24kz@khabar.kz
ҚАЗ

ҚР мен Өзбекстан қауіпсіздік кеңестерінің аппараттары арасында кеңейтілген жоспарлы консультациялар өтті

  • 154
  • UPD: 16:27, 29.06.2018
ҚР мен Өзбекстан қауіпсіздік кеңестерінің аппараттары арасында кеңейтілген жоспарлы консультациялар өтті akorda.kz

Қазақстан Республикасы Президентінің көмекшісі – Қауіпсіздік Кеңесінің хатшысы Нұрлан Ермекбаевтың және Өзбекстан Республикасының Президенті жанындағы Қауіпсіздік Кеңесінің хатшысы Виктор Махмудовтың төрағалығымен өткен келіссөздер барысында өңірлік қауіпсіздік пен екі жақты ынтымақтастықтың өзекті мәселелері қарастырылды.

Жиынға орталық мемлекеттік органдар басшылары да қатысты.

Ауғанстандағы жағдайды ескере отырып, Орталық Азиядағы қазіргі ахуал мен оның даму перспективалары, сондай-ақ әскери-техникалық және әскери салалардағы өзара іс-қимылды одан әрі жандандыру және кеңейту мәселелері талқыланды.

Заңсыз көші-қонға қарсы іс-қимыл, кедендік бақылау, азаматтық авиациядағы қауіпсіздікті жетілдіру аясындағы ынтымақтастық мәселелері де күн тәртібіне шығарылды.

Кездесу барысында тараптар өткізу бекеттерін, автомобиль жолдарын қайта қалпына келтіру және жаңғырту, сондай-ақ Қазақстан-Өзбекстан мемлекеттік шекарасындағы іргелес аумақты реттеуге бағытталған Жол картасындағы тармақтардың орындалуының алдын ала шығарылған қорытындыларын қарастырды.

Жұмыс қорытындысы бойынша екі елдің тиісті мемлекеттік органдарына нақты тапсырмалар берілді.

Қауіпсіздік кеңестерінің аппараттары арасындағы консультациялар Қазақстан мен Өзбекстан басшыларының тапсырмаларына сәйкес тұрақты түрде өткізіледі.

Ақпарат көзі: akorda.kz

Осы категория бойынша: « Парламенттің үшінші сессиясында 84 заң жобасы қабылданған Елбасы ҚР кейбір заңнамалық актілеріне сайлау мәселелері бойынша өзгерістер мен толықтырулар енгізу туралы заңға қол қойды »
Серіктестер жаңалықтары
Хабар 24 телеарнасы