384,77 427,95 6.05
+7 (7172) 757 485 24kz@khabar.kz
ҚАЗ


Әлихан Смайылов бірінші Вице-министр - Қаржы министрі қызметіне мақұлданды

  • 1264
  • UPD: 17:30, 25.02.2019
Әлихан Смайылов бірінші Вице-министр - Қаржы министрі қызметіне мақұлданды Kapital.kz

Бүгін Мәжілістің Қаржы және бюджет комитетінің отырысы өтіп, онда Премьер-министрдің бірінші орынбасары - Қаржы министрі лауазымына Әлихан Смайыловтың кандидатурасы келісілді.

Бұл мәселе «Қазақстан Республикасының Парламенті және оның депутаттарының мәртебесі туралы» Қазақстан Республикасы Конституциялық заңының 22-1-бабына сәйкес Комитет отырысында қаралды, деп хабарлайды Parlam.kz.

Қазақстан Премьер-министрінің атынан кандидатураны Премьер-министр кеңсесінің басшысы Нұрлан Алдабергенов таныстырды.

Мәжіліс депутаттарының алдында сөз сөйлеген Н.Алдабергенов А.Смайыловтың қаржы секторында мол тәжірибесі бар екендігін атап өтті.

Мәжіліс комитетінің мүшелері Ә.Смайыловқа бірқатар сұрақтар қойды. Талқылаудан кейін тиісті қорытынды қабылдады.

Комитет отырысының қорытындысы бойынша «Қазақстан Республикасы Парламенті Мәжілісінің Қаржы және бюджет комитеті «Қазақстан Республикасының Парламенті және оның депутаттарының мәртебесі туралы» Қазақстан Республикасы Конституциялық заңының 22-1-бабына сәйкес Қазақстан Республикасының Премьер-министрі ұсынған Әлихан Асханұлы Смаиыловтың кандидатурасын қарап, аталған кандидатураны Премьер-министрдің бірінші орынбасары - Қазақстан Республикасының Қаржы министрі лауазымына тағайындау үшін ұсынуға болады деп есептейді.

Отырыс соңында депутаттар кандидаттың алдағы жұмысына сәттілік тіледі.

Хабар 24 телеарнасы