389,98 432,20 6.09
+7 (7172) 757 485 24kz@khabar.kz
ҚАЗ


Мемлекет басшысы Армения Премьер-Министрі Н.Пашинянмен телефон арқылы сөйлесті

  • 197
  • UPD: 20:58, 02.07.2019
Мемлекет басшысы Армения Премьер-Министрі Н.Пашинянмен телефон арқылы сөйлесті

Әңгімелесу барысында Қасым-Жомарт Тоқаев пен Никол Пашинян қазақ-армян ынтымақтастығын одан әрі тереңдету шараларын талқылады және халықаралық күн тәртібінің өзекті мәселелері жөнінде пікір алмасты.

Мемлекет басшысы Еуразиялық экономикалық одаққа мүше мемлекеттердің сыртқы серіктестермен сауда қатынастарын орнату мақсатында Одақты дамытуға белсенді ықпал етуге дайын екенін айтты.

Тараптар алдағы кездесулер кестесін, атап айтқанда, биылғы қазанда Ереван қаласында өткізуге жоспарланған Жоғары еуразиялық экономикалық кеңестің отырысына дайындық барысын қарастырды.

Телефон арқылы сөйлесуге Армения жағы бастамашы болды.

Хабар 24 телеарнасы