386,34 428,03 5.89
+7 (7172) 757 485 24kz@khabar.kz
ҚАЗ


Мемлекет басшысы Айдар Әріпхановты қабылдады

  • 204
  • UPD: 16:56, 29.07.2019
Мемлекет басшысы Айдар Әріпхановты қабылдады

Қазақстан президенті «Бәйтерек» ұлттық басқарушы холдингі» АҚ басқарма төрағасы Айдар Әріпхановты қабылдады.

Мемлекет басшысына холдингтің биылғы бірінші жартыжылдықтағы қызметі мен одан әрі даму жоспары туралы мәлімет берілді, деп хабарлайды Ақорданың баспасөз қызметі.

Атап айтқанда, президентке «Бәйтерек» холдингінің «Нұрлы жол» және «Нұрлы жер» мемлекеттік бағдарламаларын қаржыландыруға қатысуы туралы баяндады.

Сондай-ақ Қасым-Жомарт Тоқаевқа әлеуметтік жағдайы төмен топтағы азаматтарға арналған қолжетімді тұрғын үй құрылысы, ШОБ-ты қолдау, елдің экспорттық әлеуетін және «қарапайым заттар» экономикасын дамыту, Қазақстанның Даму банкі желісі бойынша ірі жобаларды жүзеге асыру жөніндегі холдингтің атқарған жұмыстары туралы мағлұмат берілді.

Мемлекет басшысы холдингтің негізгі басымдықтарының бірі болуға тиіс, «Бақытты отбасы» тұрғын үй бағдарламасын сапалы іске асырудың маңыздылығына назар аударды. Сонымен қатар, президент шағын және орта бизнесті дамыту бойынша холдингтің қызметін жандандыруды тапсырды.

Хабар 24 телеарнасы