389,98 432,20 6.09
+7 (7172) 757 485 24kz@khabar.kz
ҚАЗ


Бейбіт Атамқұлов жаңа шетелдік елшілерді қабылдады

  • 196
Бейбіт Атамқұлов жаңа шетелдік елшілерді қабылдады mfa.gov.kz

2019 жылғы 4 қыркүйегінде Сыртқы істер министрлігінде сыртқы саяси ведомствоның басшысы Бейбіт Атамқұлов Қазақстанда міндетін қоса атқарушы шетелдік елшілерді қабылдады.

Олар: Лесли Ача Опоку-Уаре (Гана Республикасы), Густаво Адольфо Лопес Кальдерон (Гватемала), Карстен Сендергорд (Дания Корольдігі), Андрей Негуц (Молдова Республикасы), Джон Мацца (Сан-Марино Республикасы), Бранко Раковец (Словения Республикасы), Симон Марко Мумви (Танзания Біріккен Республикасы), Манас Такгисакибау (Фиджи Республикасы).

Кездесу барысында шетелдік елшілер Қазақстанның сыртқы саясатының басымдықтары және Үкімет тарапынан жүргізіліп жатқан әлеуметтік-экономикалық реформалар туралы ақпаратпен кеңінен таныстырылды.

Тараптар жоғары деңгейдегі байланыстарды дамытуға, екіжақты тауар айналымының өсуіне жәрдемдесуге, экономикалық өзара іс-қимылдың жаңа тауашаларын табуға, сондай-ақ мәдени және қоғамдық байланыстарды дамытуға келісті.

Өз кезегінде шетелдік дипломаттар Қазақстанның тәуелсіздік жылдары қол жеткізген сыртқы саяси және экономикалық жетістіктерін жоғары бағалады.

Елдің сыртқы саяси ведомствосының басшысы шетелдік елшілерге екіжақты ынтымақтастықты нығайтуға бағытталған жемісті қызмет тіледі.

Ақпарат көзі:mfa.kz

Хабар 24 телеарнасы