376,51 420,09 6.12
+7 (7172) 757 485 24kz@khabar.kz
ҚАЗ


Мемлекет басшысы Фраунхофер институтының өкілімен кездесті

  • 194
  • UPD: 20:31, 06.12.2019
Мемлекет басшысы Фраунхофер институтының өкілімен кездесті Ақорда

Мемлекет басшысы Қасым-Жомарт Тоқаев Фраунхофер институтының сыртқы байланыстар бөлімінің директоры Йенс Нойгебауэрмен кездесті, деп хабарлайды Ақорданың баспасөз қызметі.

Тараптар білім беру саласындағы ынтымақтастық мәселелерін талқылады.

Қасым-Жомарт Тоқаев аталған институттың Қазақстанда кәсіби мамандар даярлау ісін жаңғыртуға және дуальді білім беру жүйесін енгізуге елеулі үлес қосқанын атап өтті. Мемлекет басшысының айтуынша, біздің ел бұл саладағы Германияның тәжірибесін енгізуге мүдделі.

Йенс Нойгебауэр Фраунхофер институтының Қазақстанмен арадағы ықпалдастықты дамытуға дайын екенін жеткізді.

Аталған институт 2008 жылдан бері Нұр-Сұлтан, Алматы, Ақтау, Қарағанды және Өскемен қалаларындағы оқу орындарымен, өнеркәсіптермен тығыз байланыс орнатқан.

 

Хабар 24 телеарнасы