431,82 507,51 5.47
+7 (7172) 757 485 24kz@khabar.kz
ҚАЗ


Ливандағы қазақстандық әскерилердің денсаулығы бақылауға алынды

  • 394
  • UPD: 15:02, 14.04.2020
Ливандағы қазақстандық әскерилердің денсаулығы бақылауға алынды

Үшінші қзақстандық бітімгерлік ротасы үндістандық батальон құрамындағы БҰҰ-ның Ливандағы бітімгерлік миссиясын жалғастыруда. Пандемияға байланысты миссия қолбасшылығы вирустың кез келген жұғуы мен таралуының алдын алу үшін барлық сақтық шараларын қабылдады. Бұл туралы Қорғаныс министрлігі баспасөз қызметі хабарлады.

«Қазір Ливандағы жағдай тұрақты және жергілікті билік пен «Ливандағы БҰҰ уақытша күштері» қолбасшылығының бақылауында. 26 сәуірге дейін елімізде төтенше жағдай жарияланды. Дипломатиялық тұлғаларды қоспағанда бүкіл халық үшін Бейрут әуежайы, құрлық және теңіз өткелдері жабылды» деп көрсетті министрлік.

Үшінші қазақстандық бітімгерлік ротасының командирі майор Жәнібек Нұрлановтың айтуынша, бітімгерлер базасындағы жағдай тұрақты.

Жауапкершілік аймағында миссиядағы 11 мың әскери қызметші мен азаматтық бітімгерлердің денсаулық қауіпсіздігін қамтамасыз ету үшін карантин енгізілді.

Бітімгерлік базаның әрбір бақылау-өткізу пунктінде медициналық персонал кезекшілік етеді. Байланыссыз термометрия жүзеге асырылып, санитариялық-гигиеналық нормаларының қатаң сақталуы бақыланады.

Бітімгерлерге вирусты жұқтыру фактілері тіркелген аудандарға сапар жасамау және жергілікті халықпен байланысты барынша шектеу ұсынылды. Жеке құраммен коронавирустық инфекцияны жұқтырудың алдын алу және болдырмау бойынша сабақтар үнемі өткізіледі.

«Біздің алдымызда тұрған ең маңызды міндет – бітімшілерімізді вирусты жұқтырудан қорғау. Сонымен қатар оның таралуының алдын алу басты мақсаттардың бірі болып табылады. Және де қазіргі уақытта біздің жұмысымыз осыған бағытталған»,– деп атап өтті қазақстандық контингенттің командирі.

Командирдің айтуынша, біздің бітімгерлердің моральдік-психологиялық жағдайы,  денсаулықтары тәрізді жоғары деңгейде. Олар барлық қауіпсіздік шараларын қатаң ұстана отыра, «көгілдір сызық» бойында тұрақтылықты қамтамасыз ету үшін 24/7 режимінде жедел қызметті жүзеге асыру сынды өз міндеттерін орындауды жалғастыруда.

Хабар 24 телеарнасы