418,17 495,30 5.70
+7 (7172) 757 485 24kz@khabar.kz
ҚАЗ


СІМ Анталияда елу бес қазақстандықтың КВИ жұқтырғанын растаған жоқ

  • 173
  • UPD: 20:09, 26.06.2020
СІМ Анталияда елу бес қазақстандықтың КВИ жұқтырғанын растаған жоқ

ҚР Сыртқы істер министрлігінің ресми өкілі Айбек Смадияров Анталияға ұшып келген 55 қазақстандық коронавирус инфекциясымен емханаға түсті деген ақпаратты теріске шығарды.

«Әлеуметтік желілерде Анталияға ұшып келген 55 қазақстандық коронавирус инфекциясымен емханаға түсті деген ақпарат тарап кетіпті. Бұл мәліметті Түркияда тұратын бір кәсіпкер Динара Сәтжанның Instagram парақшасындағы жазбаның астына қалдырған. Желідегі қауым бұл сенсацияны іліп алып, талқылап кеткен екен. Журналист Михаил Козачков осы пікірдің скринін алып, өзінің телеграм-арнасында жариялаған. Онымен сөйлестім. Енді келіп, осы хабарламаға байланысты БАҚ тарапынан растаңыз немесе жоққа шығарыңыз деген кейіпте сұрақтар түсіп жатыр», - деп жазды Айбек Смадияров Facebook парақшасында.

ҚР СІМ ресми өкілі әлгі пікірдің авторымен сөйлескенін жазады. Кәсіпкер өзінің бір ауыз пікірі осыншама дау туғызады деп ойламаса керек.

Айбек Смадияровтың айтуынша, кәсіпкер жалған ақпарат таратқаны үшін кешірім сұрады.

Хабар 24 телеарнасы