418,90 492,14 5.72
+7 (7172) 757 485 24kz@khabar.kz
ҚАЗ


ҚР ИИДМ Индустриялық даму және өнеркәсіптік қауіпсіздік комитетінің жаңа төрағасы тағайындалды

  • 147
  • UPD: 11:46, 13.07.2020
ҚР ИИДМ Индустриялық даму және өнеркәсіптік қауіпсіздік комитетінің жаңа төрағасы тағайындалды primeminister.kz

ҚР индустрия және инфрақұрылымдық даму министрінің бұйрығымен Қарабаев Марат Кәрімжанұлы ҚР Индустрия және инфрақұрылымдық даму министрлігінің Индустриялық даму және өнеркәсіптік қауіпсіздік комитетінің төрағасы қызметіне тағайындалды.

Бұған дейін бұл қызметті атқарған Қанат Құрмашұлы Баитов ҚР индустрия және инфрақұрылымдық даму министрінің бұйрығымен қызметінен босатылды, деп хабарлайды ҚР премьер-министрінің баспасөз қызметі.

Марат Қарабаев 1987 жылы 4 шілдеде Өзбекстан Республикасының Ташкент облысында туған. Ташкент автомобиль жолы институтын, Уорвик университетін (Ұлыбритания), М.Х. Дулати атындағы Тараз мемлекеттік университетін бітірген.

Еңбек жолын 2011 жылы ҚР Ауыл шаруашылығы министрлігінің Су шаруашылығы комитетінің Су шаруашылығы имараттарының желілерін пайдалану және дамыту басқармасының сарапшысы ретінде бастады.

2011 жылдан 2013 жыл аралығында – ҚР Индустрия және жаңа технологиялар министрлігі Жаңа технологиялар және энергия үнемдеу департаменті Сервистік индустрияны технологиялық дамыту басқармасының бас сарапшысы.

2014-2015 жылдары – Оңтүстік Қазақстан облысы, Шымкент қаласы Кәсіпкерлік және индустриалды-инновациялық даму басқармасы басшысының орынбасары.

2015-2017 жылдары – Оңтүстік Қазақстан облысы, Шымкент қаласы Кәсіпкерлік және индустриалды-инновациялық даму және туризм басқармасының басшысы.

2018-2019 жылдары – ҚР Цифрлық даму, қорғаныс және аэроғарыш өнеркәсібі министрлігінің Қорғаныс-өнеркәсіп кешенін дамыту департаментінің директоры.

2019 жылғы тамыздан бастап қазіргі таңға дейін ҚР Индустрия және жаңа технологиялар министрлігінің Қорғаныс-өнеркәсіп кешенін дамыту департаментінің директоры қызметін атқарды.

Хабар 24 телеарнасы