426,32 497,47 5.54
+7 (7172) 757 485 24kz@khabar.kz
ҚАЗ


Швейцария елшісі Қазақстандағы дипломатиялық миссиясын аяқтады

  • 260
Швейцария елшісі Қазақстандағы дипломатиялық миссиясын аяқтады ҚР СІМ

ҚР сыртқы істер министрі Мұхтар Тілеуберді Швейцарияның Қазақстандағы елшісі Урс Шмидті еліміздегі дипломатиялық миссиясының аяқталуына байланысты қабылдады.

Кездесуде министр ҚР Президенті Қасым-Жомарт Тоқаевтың тапсырмасы бойынша Қазақстан Республикасы мен Швейцария Конфедерациясы арасындағы екіжақты қатынастарды нығайтуға және дамытуға қосқан елеулі үлесі үшін У.Шмидке ІІ дәрежелі «Достық» орденін табыс етті, деп хабарлайды ҚР СІМ баспасөз қызметі.

Қазақстанның сыртқы саяси ведомствосының басшысы Елшіге жоғары деңгейдегі байланыстарды қарқындату мен екі ел арасындағы сындарлы және өзара тиімді ынтымақтастықты кеңейтугебағытталған белсенді қызметі үшін алғыс айтты.

Өз кезегінде елші саяси, экономикалық және мәдени-гуманитарлық мәселелердің барлық спектрі бойынша берік және үйлесімді екі жақты қарым-қатынастардың одан әрі дамитынына сенім білдірді.

Хабар 24 телеарнасы