425.59 509.00 5.60
+7 (7172) 757 485 24kz@khabar.kz
ҚАЗ

Президент «Egemen Qazaqstan» газетінің Басқарма төрағасын қабылдады

  • 162
  • UPD: 19:14, 21.11.2020

Қасым-Жомарт Тоқаевқа «Egemen Qazaqstan» газетінің ағымдағы қызметі туралы егжей-тегжейлі баяндалды.

Дархан Қыдырәлі Президентке коронавирус пандемиясы кезінде қолға алынған жаңа жобалар туралы айтты, деп хабарлайды Ақорданың баспасөз қызметі.

Сондай-ақ Мемлекет басшысына Халықаралық Түркі Академиясының биыл атқарылған жұмыстары туралы да мәлімет берілді. Хакім Абайдың 175 жылдық мерейтойы аясында ұлы ақынның аударылып, жарық көрген шығармалары, әл-Фарабидің 1150 жылдығы аясында өткізілген халықаралық ірі жиындар мен конференциялар, Алтын Орданың 750 жылдығы аясында жарық көрген жаңа кітаптар жөнінде толық ақпарат берілді.

Кездесу соңында Мемлекет басшысы «Egemen Qazaqstan» газетін заманауи талаптарға сай шығарып, Халықаралық Түркі Академиясының жұмысын одан әрі ілгерілете беруді тапсырды.

Хабар 24 телеарнасы