423.81 509.00 5.60
+7 (7172) 757 485 24kz@khabar.kz
ҚАЗ

Қазақстанның тұрақты өкілі ЕҚЫҰ Бас хатшысының міндетін атқарушыға сенім құжатын табыстады

  • 116
  • UPD: 15:08, 28.10.2020
Қазақстанның тұрақты өкілі ЕҚЫҰ Бас хатшысының міндетін атқарушыға сенім құжатын табыстады

Қазақстан Республикасының Вена қаласындағы халықаралық ұйымдар жанындағы Тұрақты өкілі Қайрат Омаров ЕҚЫҰ Бас хатшысының міндетін атқарушы, Қақтығыстарды болдырмау орталығының директоры Туула Юрьелаға сенім құжатын табыстады.

Рәсім Австрия астанасында ЕҚЫҰ Хатшылығының штаб-пәтерінде өтті.

Кездесу барысында Т.Юрьела Қазақстанның ЕҚЫҰ-мен ынтымақтастығына жоғары баға беріп, бұл серіктестіктің одан әрі нығаятынына сенім білдірді. ЕҚЫҰ өкілінің айтуынша, Қазақстан ұйымның қызметінде маңызды рөл атқарады және оның белсенді қатысушысы болып табылады.

Өз кезегінде Қ.Омаров ЕҚЫҰ-ның үш өлшемдегі маңызды жұмысын атап өтіп, мемлекеттіміздің ұйыммен қалыптасқан ынтымақтастықтың жоғары деңгейін растады. Отандық дипломат елдегі қоғамдық өмірдің түрлі салаларында жүргізіліп жатқан реформалар жайында хабардар етті. Сонымен қоса 2021 жылғы 10 қаңтарда Мәжіліске өтетін парламенттік сайлауға ЕҚЫҰ байқаушылар миссиясының белсенді қатысатынына сенім білдірді.

Тұрақты өкіл ұйымға үш онжылдық барысындағы табысты мүшелілігіне әрі 1998 жылдан бастап ЕҚЫҰ-ның елімізде миссиясының болуына негізделіп, ЕҚЫҰ-мен ынтымақтастықтың жаңа мазмұнын дамытуға ұмтылатынын атап өтті.

Сонымен қатар тараптар күн тәртібінің өзекті мәселелерін, ЕҚЫҰ-ның өңірлік мәселелерді шешудегі және Орталық Азия елдерінің әлеуметтік-экономикалық дамуына халықаралық қолдауды белсендірудегі рөлін талқылады.

 

Хабар 24 телеарнасы