Елбасы сыртқы істер министрін қабылдады

Елбасы сыртқы істер министрі Мұхтар Тілеубердіні қабылдады.

Кездесуде биыл сыртқы саясатта Нұрсұлтан Назарбаевтың қатысуымен өтетін іс-шаралардың кестесі қаралды. Әсіресе алда жоспарланып отырған Жоғары Еуразиялық экономикалық кеңестің, Түркі тілдес мемлекеттер ынтымақтастық кеңесінің отырысына және Нұрсұлтан Назарбаевтың өзі құрметті төрағасы саналатын Орталық Азия елдері басшыларының консультативті кездесуіне баса мән берілді. Сонымен қатар Тұңғыш Президентке Қазақстанмен одақтас әрі серіктес мемлекеттердегі жағдай туралы да мәлімет берілді.