415,57 504.70 5.62
+7 (7172) 757 485 24kz@khabar.kz
ҚАЗ

Н.Нығматулин: Мәжіліс автокөліктерді жымқыруға қарсы күрес туралы халықаралық келісімді қарайды

  • 164
Н.Нығматулин: Мәжіліс автокөліктерді жымқыруға қарсы күрес туралы халықаралық келісімді қарайды parlam.kz

Бүгін Мәжіліс спикері Нұрлан Нығматулиннің төрағалығымен Палата бюросы өтіп, онда алдағы жалпы отырыстың күн тәртібі нақтыланды.

Бюро отырысында депутаттар қарауына бірқатар ратификациялық заң жобалары ұсынылды, деп хабарлайды Мәжілістің баспасөз қызметі. Атап айтқанда, ТМД қатысушы мемлекеттердің автокөлік құралдарын жымқыруға қарсы күрестегі және оларды қайтаруды қамтамасыз етудегі ынтымақтастығы туралы келісімге өзгерістер енгізу туралы хаттама.  

Сонымен қатар күн тәртібінің жобасында Қазақстан мен Моңғолия арасындағы азаматтық және қылмыстық істер жөніндегі өзара көмек туралы шартқа өзгерістер енгізу туралы хаттаманы ратификациялау туралы заң жобасы бар.

Алдағы жалпы отырыста депутаттар ЕАЭО шеңберінде ауыл шаруашылығы жануарларымен селекциялық-асыл тұқымдық жұмыс жүргізуді біріздендіруге бағытталған шаралар туралы келісімді ратификациялау туралы заң жобасы қарайтын болады.

Сондай-ақ бюрода VII сайланған Қазақстан Республикасы Парламенті Мәжілісінің өкілеттіктерін іске асырудың I сессияға арналған негізгі іс-шаралар жоспары туралы мәселе ұсынылды.

Хабар 24 телеарнасы