419,66 501.30 5.64
+7 (7172) 757 485 24kz@khabar.kz
ҚАЗ

Н.Нығматулин: Мәжіліс бірқатар маңызды халықаралық келісімді қарайды

  • 82
  • UPD: 14:07, 05.02.2021
Н.Нығматулин: Мәжіліс бірқатар маңызды халықаралық келісімді қарайды

Бүгін Мәжіліс Спикері Нұрлан Нығматулиннің төрағалығымен Палата Бюросы өтіп, онда алдағы жалпы отырыстың күн тәртібі нақтыланды.

Бюро отырысында депутаттар қарауына бірқатар ратификациялық заң жобасы ұсынылды. Атап айтқанда, «Мемлекетаралық стандарттау жөніндегі құжаттарды тарату туралы келісімді ратификациялау туралы» заң жобасы. Бұл келісімді қабылдау мемлекетаралық стандарттау бойынша қолданылатын құжаттардың дұрыстығы мен өзектілігін, ТМД-қа қатысушы мемлекеттердің ұлттық стандарттау жүйелерінің шығындарын жабуды қамтамасыз етеді.

Алдағы жалпы отырыста депутаттар ТМД қатысушы мемлекеттердің бас бостандығынан айырумен байланысты емес жазаларды орындауды беру туралы конвенцияны ратификациялау туралы, сондай-ақ «2011 жылғы 22 маусымдағы Кеден одағына мүше мемлекеттердің кеден қызметтерінің Біріккен алқасы туралы шартқа өзгерістер енгізу туралы хаттаманы ратификациялау туралы» заң жобаларын қарайды.

Ақпарат көзі: Мәжілістің баспасөз қызметі

Хабар 24 телеарнасы