427,07 518.00 5.90
+7 (7172) 757 485 24kz@khabar.kz
ҚАЗ

«Масқара жағдай»: Президент Жоғарғы сот судьясының парамен ұсталғаны туралы

  • 815
  • UPD: 17:41, 12.02.2021
«Масқара жағдай»: Президент Жоғарғы сот судьясының парамен ұсталғаны туралы Almaty.tv

Мемлекет басшысы сыбайлас жемқорлықты сот жүйесіне деген сенімге селкеу түсіріп отырған негізгі факторлардың бірі деп санайды.

Тек соңғы 5 жылдың ішінде сыбайлас жемқорлық фактісі үшін Фемиданың 17 өкілі жауапқа тартылды. Түркістан облысында сотталған алқа төрағасы мен облыстық соттың судьясына қатысты жемқорлық деректері қоғамда үлкен шу туғызды. Бұл мәселені Президент те айналып өткен жоқ.

– Осыдан бірер күн бұрын масқара жағдай болды. Жоғары сот кеңесінің бұрынғы мүшесі, сондай-ақ аудандық соттың төрағасы болған, 30 жылдық еңбек өтілі бар Жоғарғы соттың судьясы ұсталды. Бұл оқыс оқиға жұрттың бәріне белгілі. Аталған жағдай қоғамды теңселтіп кетті. Жоғары сот кеңесінің және Жоғарғы соттың басшылықтары осы оқиғадан сабақ алып, қажетті шешім шығаруы керек деп ойлаймын. Осы кезең ішінде Сот қазылары алқасының шешімімен 29 судья теріс іс-әрекеттері үшін қызметтерінен босатылған. Жалпы судьялардың қатарын тазалау жұмыстары белсенді жүргізіліп жатқаны байқалады. Бұл үдерісті мүлде тоқтатуға болмайды. Біз судьяларға деген қалыптасқан теріс көзқарасты өзгертуіміз керек. Фемиданың барлық қызметкері заңдылықтың, сатылмайтындықтың, кәсібиліктің үстем құруына қызмет етуі тиіс. Сонда ғана біз құқықтық мемлекет және әділетті қоғам құра аламыз, – деді Қасым-Жомарт Тоқаев.

Елордада ірі көлемде пара алған Жоғарғы сот судьясы ұсталды.

Бұған дейін бұл мәселеге қатысты Жоғары Сот кеңесі де түсініктеме берген.

Мемлекет басшысы сот жүйесін жаңғырту мәселелері жөнінде кеңес өткізді.

Хабар 24 телеарнасы