419,66 501.30 5.64
+7 (7172) 757 485 24kz@khabar.kz
ҚАЗ

Н.Нығматулин: Мәжіліс көрнекі ақпарат мәселелері туралы заң жобасын қарайды

  • 88
  • UPD: 17:53, 19.02.2021
Н.Нығматулин: Мәжіліс көрнекі ақпарат мәселелері туралы заң жобасын қарайды

Бүгін Мәжіліс спикері Нұрлан Нығматулиннің төрағалығымен Палата Бюросы өтіп, онда алдағы жалпы отырыстың күн тәртібі нақтыланды.

Бюро отырысында депутаттар қарауына көрнекі ақпарат мәселелеріне қатысты заң жобасы бірінші оқылымда ұсынылды, деп хабарлады Мәжілістің баспасөз қызметі. Құжат орфография нормаларын және аударма теңтүпнұсқалығын сақтау бойынша талаптарды белгілеу арқылы деректемелер мен көрнекі ақпаратты орналастыру мәселелері туралы заңнаманы одан әpi жетілдіруге бағытталған.  

Сонымен қатар алдағы жалпы отырыста Мәжіліс бірқатар ратификациялық заң жобаларын қарайды. Олар Қазақстан мен Солтүстік Македония арасындағы адамдарды ұстап беру туралы шартты және сотталған адамдарды беру туралы шарттарды ратификациялау туралы заң жобалары.

Бюро отырысында депутаттар екінші оқылымда Әкімшілік құқықбұзушылық туралы кодекске және сот жүйесін жаңғырту мәселелеріне түзету енгізу туралы заң жобаларын қарады.  

Сондай-ақ алдағы жалпы отырыста Мәжілістің комитеттері біршама заң жобасын қарайды. Атап айтқанда, дауларды соттан тыс және сотқа дейінгі реттеу институттарын дамыту мәселелері, ЕАЭО туралы шартқа Арменияның қосылуы туралы хаттаманы ратификациялау, сондай-ақ ЕАЭО туралы шартқа Қырғыз Республикасының қосылуына байланысты бірқатар халықаралық құжатты ратификациялауға қатысты заң жобалары бар.

Хабар 24 телеарнасы