425,70 504.60 5.77
+7 (7172) 757 485 24kz@khabar.kz
ҚАЗ

Шетелдік инвестицияларды тарту мәселесі қаралды

  • 272
  • UPD: 17:43, 11.03.2021
Шетелдік инвестицияларды тарту мәселесі қаралды

Қазақстан Республикасы премьер-министрінің орынбасары – сыртқы істер министрі Мұхтар Тілеубердінің төрағалығымен шетелдік инвестицияларды тарту мәселелері бойынша Қазақстанның шет елдердегі мекемелерінің басшыларымен онлайн кездесу өтті.

Сондай-ақ іс-шараға бейінді және салалық министрліктердің, «АХҚО» АҚ басшылығы және «Kazakh Invest» АҚ-ның шет елдердегі өкілдері қатысты.

Іс-шара барысында СІМ басшысы елімізге тартылатын тікелей шетелдік инвестициялар көлемін 2025 жылға қарай 30 млрд АҚШ долларына дейін ұлғайту жөніндегі міндеттер тұрғысынан шетелдік мекемелердің инвестициялық бағыттағы жұмысын күшейту мен жандандырудың маңыздылығына назар аударды. Осы тұрғыда дипломатиялық өкілдіктердің жұмысы жыл қорытындысы бойынша негізгі көрсеткіштерге қолжеткізу, оның ішінде қабылданған елдік инвестициялық бағдарламалар шеңберінде бағаланатын болады.

Дипмиссия басшылары инвесторлармен жұмыс істеу және 2021 жылғы 26 қаңтарда Үкіметтің кеңейтілген отырысы шеңберінде Мемлекет басшысының тапсырмасы бойынша әзірленген елдегі инвестициялық жобаларды сүйемелдеу жөніндегі жаңа тәсілдермен, сондай-ақ орталық мемлекеттік органдардың, жергілікті атқарушы органдар мен ұлттық компаниялардың бірінші басшыларының орынбасарларына инвестициялар тарту мәселелерін бекітумен егжей-тегжейлі танысты.

Ведомствоаралық өзара іс-қимылды одан әрі күшейту және елшіліктердің жұмысын үйлестіру үшін инвестициялық-экономикалық тректе бейнеконференцбайланыс арқылы шетелдік мекемелердің бейінді ведомстволармен, әкімдіктермен және ұйымдармен тұрақты негізде нысаналы кездесулер өткізу туралы шешім қабылданды.

Ақпарат көзі: ҚР СІМ баспасөз қызметі

Хабар 24 телеарнасы