Ауған тарапының бастамасымен Қазақстан Премьер-министрінің орынбасары – Сыртқы істер министрі Мұхтар Тілеуберді Ауғанстан Сыртқы істер министрі Мохаммад Ханиф Атмармен телефон арқылы сөйлесті.
Бұл туралы ҚР СІМ баспасөз қызметі хабарлайды.
Сұхбаттасушылар саяси, сауда-экономикалық және гуманитарлық салалардағы екіжақты ынтымақтастықтың қазіргі ахуалы мен болашағын, сондай-ақ Ауғанстандағы жағдайды бейбіт жолмен реттеу мәселелерін талқылады.