424,51 504.55 5.79
+7 (7172) 757 485 24kz@khabar.kz
ҚАЗ

Ақорда ашық ақпарат саясатын ұстанады

  • 488
  • UPD: 22:44, 05.04.2021

Мемлекет басшысы Қасым-Жомарт Тоқаев алдағы уақытта отандық телеарна тілшілерімен жүздесіп, халықтың көкейіндегі сұрақтарға жауап қатады.

Бұл туралы бүгін Президенттің баспасөз хатшысы Берік Уәли арнамызға берген сұхбатында айтты. Ел билігі ашық ақпараттық саясат ұстанады.

«Халық үніне құлақ асатын мемлекет» тұжырымдамасының жүзеге асуы да соның дәлелі.

Берік Уәлидің айтуынша, Қасым-Жомарт Тоқаев әлеуметтік желідегі парақшасын өзі жүргізіп, қоғам арасында қызу талқыланатын мәселелерді үнемі бақылап отырады. Ұлттық сенім кеңесінің құрылуы да азаматтарымызды мазалайтын түйіткілдерді заң жүзінде шешуге бағытталған. Берік Уәли Мемлекет басшысының коронавирус инфекциясына қарсы отандық вакцина салғызатынын да тілге тиек етті.

Берік Уәли, ҚР Президентінің баспасөз хатшысы:

- Президент енді көп сұхбат беріп, сөйлеп, осындай пікір алмасқаннан гөрі біздің Президент істің адамы десек болады. Көп жағдайда сөзден гөрі іске ден қойып, тапсырмалар беріп, оның орындалуын қадағалайды. Ал телеарналарға сұхбат беруге келетін болсақ, жалпы ол ойда бар.

Хабар 24 телеарнасы