424,02 504.55 5.82
+7 (7172) 757 485 24kz@khabar.kz
ҚАЗ

Қайрат Қожамжаров пен Ғұмар Дүйсембаев ЕҚЫҰ ПА-ның сессиясына қатысты

  • 178
  • UPD: 16:30, 02.07.2021
Қайрат Қожамжаров пен Ғұмар Дүйсембаев ЕҚЫҰ ПА-ның сессиясына қатысты

ЕҚЫҰ ПА-ның жыл сайынғы онлайн түрде өтетін сессиясы аясында Демократия, адам құқықтары және гуманитарлық мәселелер жөніндегі жалпы комитеттің отырысы болды.

Онда сенатор Қайрат Қожамжаров Қазақстан Президентінің адам құқықтарын қорғау тетіктерін нығайтуға бағытталған бастамасымен қолға алынған реформалармен әріптестерін таныстырды. Ол атап айтқанда «Қазақстан Республикасындағы Адам құқықтары жөніндегі уәкіл туралы» заң жобасына егжей-тегжейлі тоқталды.

«Құжатта адам құқықтары жөніндегі уәкіл мәртебесіне, сайлау тәртібіне және оның қызметінің принциптеріне ерекше мән берілді. Азаматтың бұзылған құқықтарын қалпына келтіру жөнінде Уәкілдің өкілеттіктері айтарлықтай кеңейтілуде, сондай-ақ адам құқықтары мен бостандықтарының бұзылуы туралы ақпаратты зерттеу және талдау функциясы енгізілуде», - деді Қайрат Қожамжаров.

Сенатор Ғұмар Дүйсембаев келесі күні Экономикалық мәселелер, ғылым, технологиялар және қоршаған орта жөніндегі жалпы комитет отырысының жұмысына қатысты.

Депутат өз сөзінде қоршаған ортаның жай-күйін жақсарту және «жасыл экономикаға» көшу қажеттігі мәселелерін қозғады және Қазақстанның осы бағытта қабылдап жатқан шаралары туралы айтып берді.

«Қазақстан Президенті Қасым-Жомарт Тоқаев «жасыл» экономика реформасын жүзеге асырып келеді. Елімізде жаңа Экологиялық кодекс қабылданды. Бұл реформалардың бәрі экологиялық өзекті проблемаларды шешуге және қазақстандық заңнаманы ЭЫДҰ елдерінің талаптарымен үйлестіруге бағытталған», - деп деді Ғұмар Дүйсембаев.

Ол сондай-ақ БҰҰ Қауіпсіздік Кеңесіне есеп беретін Биологиялық қауіпсіздік жөніндегі халықаралық агенттікті құру жөніндегі Қазақстанның бастамасына қатысушылардың назарын аударды.

Ақпарат көзі: Сенаттың баспасөз қызметі

Хабар 24 телеарнасы