424,60 504.60 5.74
+7 (7172) 757 485 24kz@khabar.kz
ҚАЗ

Қасым-Жомарт Тоқаев Ангела Меркельге көңіл айту жеделхатын жолдады

  • 131
  • UPD: 22:07, 17.07.2021
Қасым-Жомарт Тоқаев Ангела Меркельге көңіл айту жеделхатын жолдады

Президент Қасым-Жомарт Тоқаев Германияның Федералды Канцлері Ангела Меркельге көңіл айту жеделхатын жолдады.

Мемлекет басшысы «Бернд» циклонынан туындаған толассыз жаңбыр мен су тасқыны салдарынан көптеген адамның қаза тапқаны және зардап шеккені туралы суыт хабарды терең күйзеліспен қабылдады. 

«Осындай ауыр сәтте қайғы-қасіреттеріңізге ортақтасып, барша қазақстандықтардың және жеке өзімнің атымнан Сізге және жақындарынан айырылған отбасыларға, сондай-ақ бүкіл Германия халқына қайғыра көңіл айтамын. Табиғи апат кезінде жарақат алғандардың тез арада сауығып кетуіне, ал із-түзсіз жоғалғандардың отбасыларына аман-есен оралуына тілектестік білдіремін» делінген жеделхатта.

Хабар 24 телеарнасы