Ақтау және Астрахань қалалары арасында Каспий арқылы теңіз круизі ашылуы мүмкін. Бұл туралы Асқар Мамин мен Астрахань облысының губернаторы Игорь Бабушкиннің кездесуінде сөз болды.
Теңіз круизі шекара маңындағы өңірлердің сауда-экономикалық әлеуетін дамытуға да ықпал етеді. Бұдан бөлек Астрахань облысының кеме жасау кәсіпорындарының тәжірибесін ескерген Асқар Мамин осы саладағы ынтымақтастықты кеңейту мүмкіндігін де атап өтті. Сондай-ақ жиында тараптар Қазақстан мен Ресей арасындағы инвестициялық, өнеркәсіптік, туристік, мәдени-гуманитарлық ынтымақтастық мәселелерін талқылады. Жалпы 2021 жылдың бес айында екі елдің тауар айналымы 8,6 млрд долларға жеткен.