425,75 504.32 5.84
+7 (7172) 757 485 24kz@khabar.kz

Аида Балаева Еуропа Одағының Орта Азия бойынша арнайы өкілімен кездесті

  • 100
  • UPD: 18:29, 20.08.2021
Аида Балаева Еуропа Одағының Орта Азия бойынша арнайы өкілімен кездесті фото: gov.kz

Бүгін ҚР Ақпарат және қоғамдық даму министрі Аида Балаева Еуропа Одағының Орта Азия бойынша арнайы өкілі Тери Хакаламен кездесті.

Бұл туралы Ақпарат және қоғамдық даму министрлігінің баспасөз қызметі хабарлайды.

А.Балаева Т.Хакаланы Еуропа Одағының Орта Азия бойынша арнайы өкілі лауазымына жақында тағайындалуымен құттықтап, жемісті жұмыс тіледі. Министр Тери Хакала ханымды министрлік қызметінің негізгі бағыттарымен таныстырды.

Т.Хакала өз кезегінде министрліктің маңызды рөлін атап өтіп, қоғамдық маңызы бар жобаларды, соның ішінде алдағы «Орта Азия – ЕО» Азаматтық форумын іске асыру үшін ЕО институттары мен Орта Азия мемлекеттері арасындағы диалогты қолдауға мүдделілігін білдірді.

Кездесу қорытындысы бойынша тараптар өзара тиімді ынтымақтастыққа пейіл білдірді.

Хабар 24 телеарнасы