Қазақстанға Ауғанстаннан қандастар жеткізілді

Ауғанстандағы қандастар елге жеткізілді, деп хабарлады Президенттің баспасөз хатшысы Берік Уәли.

«Мемлекет басшысы Қ.К.Тоқаевтың тапсырмасы бойынша, бүгін ауған елінде тұратын бір топ қазақ қандасымыз елімізге сәтті эвакуацияланды. Кабулдан Алматыға арнайы рейспен 35 қандасымыз, 4 Қазақстан азаматы және БҰҰ-ның 1 қызметкері жеткізілді. Президент дипломаттарымызға және игі істі ұйымдастыруға атсалысқан барлық ведомство қызметкерлеріне алғыс айтты», - деп жазды Берік Уәли Facebook-тегі парақшасында.