425,25 492.05 5.97
+7 (7172) 757 485 24kz@khabar.kz

Мемлекеттік хатшы Ж.Жабаев шығармаларына арналған 10 томдық жинақтың тұсаукесеріне қатысты

  • 72
  • UPD: 13:19, 14.10.2021
Мемлекеттік хатшы Ж.Жабаев шығармаларына арналған 10 томдық жинақтың тұсаукесеріне қатысты

Бүгін Мемлекеттік хатшы Қырымбек Көшербаевтың қатысуымен Жамбыл Жабаевтың 175 жылдық мерейтойы аясында жарық көрген ақынның 10 томдық жинағының тұсаукесер рәсімі өтті. 

Мемлекеттік тапсырыс аясында басылып шыққан көп томдыққа Жамбыл Жабаевтың өткен ғасырдың басынан бастап өмірден өткенге дейінгі барлық өлеңдері, айтыстары мен жырлары топтастырылған. Одан бөлек ақын шығармашылығына қатысты ғалымдардың ғылыми еңбектері, ақын-жазушылардың естеліктері де басылған. 

Жиналғандардың алдында сөз алған Мемлекеттік хатшы Ж.Жабаевтың 175-жылдығын атап өту жөніндегі Мемлекеттік комиссияның төрағасы Қырымбек Көшербаев, жыр алыбы Жамбылдың халқымыздың рухани дүниесінде қуатты да өміршең жырлары арқылы өшпес із қалдырғанын атап өтті. 

Бұл жарық көрген 10 томдық жинақ Жамбыл ақынның бүкіл мұрасы, оның өмірі мен шығармашылығы туралы естеліктер мен ғылыми зерттеулер енген тұңғыш толымды басылым ретінде жарыққа шығып отыр. 

- Cондықтан да бүгін тұсауы кесіліп отырған 10 томдық жинақ Жамбылтануға қосылған үлкен үлес, халқымыздың рухани қазынасын молайтқан іргелі еңбек деп есептеймін, - деді Қырымбек Көшербаев.

Хабар 24 телеарнасы