Азаматтық алғысы келетіндердің өтініші қаралды

Қазақстан Республикасының Мемлекеттік хатшысы Қырымбек Көшербаевтың төрағалығымен ҚР Президенті жанындағы Азаматтық мәселелер жөніндегі комиссияның кезекті отырысы онлайн режимінде өтті, деп хабарлайды «Хабар 24» Ақорданың ресми сайтына сілтеме жасап.

Отырыста Қазақстан азаматтығын алуға және одан шығуға тілек білдірген адамдардың өтініштері қаралды.

Жиын қорытындысы бойынша Комиссия Мемлекет басшысының қарауына жақын және алыс шетелдерден келген әртүрлі ұлттардың 844 өкілін еліміздің азаматтығына қабылдау туралы ұсыныс енгізеді.

Комиссия Қазақстан азаматтығынан шығу туралы 42 адамның өтінішін қанағаттандыруды да ұсынатын болады.