Сенатта Жоғарғы сот судьясы сайланды

Сенат депутаттары Берік Нәжімеденовті Жоғарғы сот судьясы қызметіне бірауыздан сайлады, деп хабарлайды Tengrinews.kz. 

Сенат отырысында Президенттің парламенттегі өкілдігінің басшысы Бейбіт Исабаев судьялыққа үміткерлікті қарау туралы ұсыныс айтты.

«Сіздің қарауыңызға Мемлекет басшысының Жоғарғы соттың судьясы қызметіне Берік Нәжімеденовті сайлау туралы ұсынысы енгізілді. Берік Төлеутайұлы мемлекеттік аудитті қаржылық бақылау саласында жұмыс тәжірибесі бар маман. Кейінгі бес жыл Қаржы министрлігінің саласында жұмыс істеді. Қазіргі уақытта Қаржы министрлігінің Ішкі мемлекеттік бақылау комитетін басқарады», - деді Бейбіт Исабаев Сенат отырысында.

Сондай-ақ Берік Нәжімеденовтің жоғары экономикалық және заңгерлік білімі бар. Экономика және бизнес магистрі. Ол Жоғарғы соттың сот практикасы мәселелері, экономикалық және қаржылық дауларды қарау жөніндегі нормативтік қаулыларын талқылау және әзірлеу кезінде Жоғарғы сотпен адал ынтымақтасады және Жоғарғы соттың судьясы болуға лайық, деп атап өтті.

Бейбіт Исабаевтың айтуынша, Жоғарғы сот кеңесі де Берік Нәжімеденовті Жоғарғы сот судьясы лауазымына лайықты үміткер деп санайды.

Депутаттар Нәжімеденовке дауыс берді.