434,24 496,10 5,71
+7 (7172) 757 485 24kz@khabar.kz

ҚР СІМ жекелеген шетелдік БАҚ-тардағы жарияланымдарға қатысты пікір білдірді

  • 42
  • UPD: 09:49, 10.01.2022
ҚР СІМ жекелеген шетелдік БАҚ-тардағы жарияланымдарға қатысты пікір білдірді ҚР СІМ

Елімізде төтенше жағдай енгізілгелі бері қалыптасқан ахуалға байланысты шетелдік БАҚ-тағы бірқатар жарияланым атүсті және біржақты сипатта болды, деп хабарлайды ҚР СІМ баспасөз қызметі. Осыған байланысты ҚР Сыртқы істер министрлігі пікір білдірді.

«Маңғыстау облысы мен елдің барлық ірі қалаларында бейбіт митингтер өтті. Олардың талаптары толық қанағаттандырылды. Алайда, терроршыл, экстремистік және қылмыстық топтар шиеленіс пен зорлық-зомбылықты ушықтыру үшін бұл жағдайды өз мүддесіне пайдаланып алды. Осыған байланысты елде төтенше жағдай жарияланды.

Алматы қаласындағы және елдің басқа да өңірлеріндегі оқиғалар көрсеткендей, Қазақстан шетелде дайындықтан өткен және жақсы үйлестірілген терроршыл топтардың шабуылына тап болды. Алдын ала мәліметке қарағанда, шабуылшылардың арасында жанжал аймақтарында діни радикалдық топтардың қатарында қақтығыстарға қатысу тәжірибесіне ие адамдар бар.

Қазіргі уақытта Қазақстанның құқық қорғау органдары мен Қарулы күштері, кейбір шетелдік БАҚ бұрмалап көрсеткендей, «бейбіт сипаттағы наразы топтарға» емес, террористерге қарсы тұруда.

Қалыптасқан жағдайда, Қазақстан Ұжымдық қауіпсіздік туралы шарт ұйымына (ҰҚШҰ) көмекке жүгінуге мәжбүр болды, ол жағдайды тұрақтандыру мақсатында жалпы саны 2 500 адам құрайтын бітімгершілік күшін жіберді. Бітімгершілердің мандатына стратегиялық нысандарды күзету және қазақстандық құқық қорғау күштеріне жәрдемдесу кіреді.

Терроршыл топтарға қарсы негізгі іс-қимылды Қазақстанның құқық қорғау органдары мен Қарулы күштері жүргізетініне назар аударамыз.

ҰҚШҰ-дың бітімгершілік күштері Қазақстанда уақытша негізде болатынын және жағдай тұрақталған соң Қазақстан тарапының бірінші сұрауы түскен кезде өз елдеріне оралатынын атап өткен жөн.

Наразылық митингтерінің бейбіт қатысушалыры ешқандай қудалауға ұшырамайтыны аса маңызды.

Құқық қорғау органдарына қалыптасқан жағдайдың себептеріне кешенді тергеу жүргізу тапсырылды, оның нәтижелері халықаралық қоғамдастыққа жеткізілетін болады.

Қазақстан халқының ынтымағын және Президент Қ.Тоқаевтың бейбіт өмірді қалпына келтіру жөніндегі шешімдері мен шараларына қолдауын атап өткен жөн.

Қазақстан демократия мен ел Конституциясын діни радикалдар мен терроршылдардан табандылықпен қорғауға дайын!» – делінген мәліметте.

Хабар 24 телеарнасы