Президент Есеп комитетін Жоғары аудиторлық палата ретінде қайта құруды тапсырды

Бұл туралы Мемлекет басшысы Есеп комитетінің төрағасы Наталья Годунованы қабылдау кезінде айтты, деп хабарлайды «Хабар 24» Ақордаға сілтеме жасап.

Қасым-Жомарт Тоқаевқа Ұлттық қордан бөлінген мақсатты трансферттердің пайдаланылуы бойынша жүргізілген аудиттің алдын ала қорытындылары жөнінде есеп берілді. Аталған аудит аясында жалпы құны 290 миллиард теңге болатын 20 нысан қамтылды. Сондай-ақ Ұлттық қордан әртүрлі бағытқа бөлінген 2,2 триллион теңге қаржының жұмсалуына талдау жасалған.

Президент Есеп комитетін Жоғары аудиторлық палата ретінде қайта құру мәселелеріне қатысты тапсырма берді.