ЕҚЫҰ бюро директоры ОСК жұмысын жоғары бағалады
Еуропадағы қауіпсіздік және ынтымақтастық ұйымының бюро директоры Маттео Мекаччимен Орталық сайлау комиссиясының төрағасы Нұрлан Әбдіров те кездесті.
Нұрлан Әбдіров мәртебелі мейманға 5 маусымда өткен референдумды бақылауға қатысқаны үшін алғыс білдірді.
Тараптар сайлау заңнамасын жетілдіру, сондай-ақ ұйымдар арасындағы ынтымақтастықты кеңейту мәселелерін талқылады. Өз кезегінде Маттео Мекаччи референдумды бағалау жөніндегі миссияның өзара тығыз іс-қимылы мен Орталық сайлау комиссиясы жұмысының ашықтығын жоғары бағалады.