476,27 474,60 7,83
+7 (7172) 757 485 24kz@khabar.kz

Біз Сауд Арабиясына жоғары сапалы бидай мен ұнды ұзақ мерзімді жеткізуші ел болуға дайынбыз – Тоқаев

  • 187
  • UPD: 18:23, 24.07.2022
Біз Сауд Арабиясына жоғары сапалы бидай мен ұнды ұзақ мерзімді жеткізуші ел болуға дайынбыз – Тоқаев

Мемлекет басшысы Қасым-Жомарт Тоқаев Сауд Арабиясына ресми сапары аясында ынтымақтастықты кеңейтудің мейлінше перспективті салаларын белгілеп берді. Ең алдымен, бұл екіжақты сауда-саттыққа қатысты, деп хабарлайды Ақорданың баспасөз қызметі.

Оның пікірінше, ынтымақтастықтың мол әлеуетін экономиканың нақты секторында да пайдалануға болады. Президент соның ішенде отандық агросектордың әлеуетіне де тоқталды. – Қазақстан егістік көлемі бойынша жан басына шаққанда әлемде екінші, жайылымдық жерлер жөнінен бесінші орын (180 миллион гектар) алады. Еліміз бидай өсіретін және ұн өндіретін 10 ірі мемлекеттің қатарына кіреді. Біз Корольдікке жоғары сапалы бидай, ұн және майлы дақылдарды тұрақты әрі ұзақ мерзімді жеткізуші елдердің бірі болуға дайынбыз, – деді Қасым-Жомарт Тоқаев. Туризм саласында да ықпалдастық орнатуға зор мүмкіндіктер ашылады.

Атап айтқанда, Мемлекет басшысы Сауд кәсіпкерлеріне Қазақстанның туристік-рекреациялық жобаларын қарастырып көруді ұсынды. Сонымен қатар Қасым-Жомарт Тоқаев Қазақстанда инвесторлар үшін заманауи институционалдық орта қалыптасқанын еске салды.

– Осы мүмкіндікті пайдалана отырып, Қазақстанның Сауд Арабиясымен арадағы екіжақты ынтымақтастықты нығайтуға және кеңейтуге бейілді екенін растағым келеді. Бүгін осында бүкіл әлемде айтарлықтай табыстарға қол жеткізген Сауд Арабиясының ірі компанияларының басшылары қатысып отыр. Мен бәріңізді өзара тиімді негізде Қазақстанда бірлесе жұмыс істеуге шақырамын, – деді Қазақстан Президенті.

Хабар 24 телеарнасы