Қасым Жомарт Тоқаев Біріккен ұлттар ұйымының штаб пәтерінде екіжақты келіссөздер өткізді. Қазақ басшысы бірінші Австрия президенті Александр Ван дер Белленмен кездесті, деп хабарлайды «Хабар 24».
Тараптар саяси, сауда-экономикалық салалардағы Қазақстан - Австрия ынтымақтастығын дамыту жайын сөз етті. Сосын халықаралық ұйымдар аясындағы өзара іс-әрекетті талқылады. Қазақстан мен Австрия саяси диалогты одан әрі дамытуға, сауда-экономикалық және инвестициялық байланыстарды кеңейтуге дайын. Қасым-Жомарт Тоқаев екі ел арасындағы тікелей әуе қатынасын қалпына келтірудің маңыздылығын да атап өтті. Осыдан соң Қасым-Жомарт Тоқаев Иордания Королі ІІ Абдалламен әңгімелесіп, екеуара біраз жайттарды талқылады.