Мемлекет басшысы Түркістан жұртшылығымен кездесу барысында елдегі Президент сайлауы тақырыбына да тоқталды, деп хабарлайды «Хабар 24».
«Бұл науқанды заңға сәйкес әділ және ашық өткіземіз», – деді. Президент әр азамат сайлауға белсене қатысып, өз таңдауын жасайтынына сенімін білдірді. Мемлекет басшысы Отанымыздың болашағына бәріміз бірдей жауаптымыз дей келе, ел тағдырына бей-жай қарамауға шақырды. Біз адал, дарынды саясаткерлерге жол ашуымыз керек. Бүгінде елімізде билік пен қоғам арасындағы диалог нығая түсті. «Халық үніне құлақ асатын мемлекет» тұжырымдамасына баса мән беріліп отыр, – деді Мемлекет басшысы