Президенттікке кандидат С. Тұрсынбекова Республика күнімен құттықтады

Президенттікке кандидат Салтанат Тұрсынбекова қазақстандықтарды Республика күнімен құттықтады, деп хабарлайды «Хабар 24».

Ол өзінің бейнеролигінде бүгінгі дата ел егемендігінің жолындағы маңызды қадам екенін атап өтті. «Бұл –­ халық бірлігінің белгісі және Қазақстанның дамуы мен өркендеуін айғақтайды», –­ деді кандидат. Естеріңізге сала кетейік, Салтанат Тұрсынбекова кезектен тыс президент сайлауына «Қазақ аналары – дәстүрге жол» республикалық қоғамдық бірлестігінің атынан қатысып жатыр.

Салтанат Тұрсынбекова, ҚР Президенттігіне кандидат:

- Құрметті қазақстандықтар! Мен, Тұрсынбекова Салтанат, ҚР Президентіне кандидат Сіздерді шын жүректен мемлекеттік мерекелеріңізбен құттықтаймын. Әрбір қазақстандыққа амандық және жарқын болашаққа сенім тілеймін.